Lekhak ki Ahemiyat - Shikha

Lekhak ki Ahemiyat

Dosto, aapko lag raha hoga ki ye kaisa topic hai , right?  Ek Lekhak apne zahen se alfazo ke zariye chun chun ke moti rakhta hai tab jakar vo shabd aapke dil ko chhu Paate hai. Jante hai har kisiki hobby alag hoti hai or fir jisme humara interest na ho vo to hum padhte bhi nahi. Aajkal social media whats app pe kitne messages aise hote hai jinhe hum sab bina padhe delete kar dete hai. Kabhi bahot lambi story hoti hai to use padhne mai humari dilchashpi nahi hoti or vo aise hi delete ho jata hai. Par kabhi ye khayal aap sab ke man mai aaya hai ki jisne bhi ye likha hai usne kitni mahenat se ye likha hoga?  Kai baar mai bhi aisa karti hu. Kai message bina padhe hi phone mai pade rahe hote hai. Aaj achanak hi  dil mai ye khayal  aaya ki ek lekhak ki ahemiyat aam insan ki zindagi mai kya hoti hai, shayad kuchh bhi nahi. Kai log aisa bhi bolte honge ki koi kaam dhandha nahi hoga tabhi ye karta hai, mere paas aisi bakvas padhne ya sunne ka time kaha hai. Har sikke ki do baju hoti hai vaise hi zindagi mai bhi do pahelu hote hai, possitive or nagative. Sabki apni apni soch hoti hai or usi soch se vo lekhak ka vyaktitav decide karti hai. 

Agar Lekhak ki yahi baat ko jo log possitive sochenge vo log uska likha padhenge or sunenge bhi . Jo log padhenge usko uska likha ruh ko chhu jayega or bol uthega , kya kamal ka likha hai , wah maza aa gaya. Sahi hai na?  Ab baat karti hu humare rishto ki. hum sab aam insan hai, jaruri nahi ki hum sab mai se sabhi apni baate apno ko bata pate ho. Tab vo kavita, shayari ya fir koi quote ka sahara lete hai or apno tak apne dil ki baat pahunchate hai. Kitni ajib baat hai na ? Thode time pahele mai jab mili thi kisiko or usne mujse kaha tha ki aap apne kaam zari rakho. Mana ki log jaldi kuchh padhte nahi par himmat mat harna . Us waqt vo baat bahot mamuli si lagi thi par aaj achanak se vo baat fir yaad aayi to Lekhak ki ahemiyat ko hi shirshak dekar usi topic pe likhne baith gayi . 

Dosto, Jaha tak meri baat hai to mai bahot khush hu kyuki meri shayari, meri baate un logo ka rishta atut banati hai jo log khud kuchh bol nahi paate. Vaha pe meri shayari se vo apno ko dil ki baat pahuncha pata hai. Kai logo ne muje kaha ki Shikhaji aapki shayari ruh ko chhu jaati hai or muje khushi huyi tab kyuki meri koshish yahi raheti hai ki jo bhi likhu dil se likhu or jo use padhe uske dil ko chhu jaaye. Meri in baato se ab aap khu samaj jaoge ki lekhak ki ahemiyat logo ke jivan mai kya hoti hai.

Shikha

Pahechan - Shikha

Apni pahechan banana har koi chahta hai. Uske liye athag parishram or mahenat bhi karta hai. Mana ki ye rah aasan nahi hoti, or sabke liye mumkin bhi nahi hota.

Pahechan ek aisa shabd hai  jise pane ki chah har kisi ko hoti hai. Bachhe jab chhote hote hai tab vo apne mata pita ke naam se pahechane jaate hai. Par vahi bachhe jab bade hote hai to vahi mata pita chahte hai ki unka bachha kuchh aisa kare ki log bole ki dekho ye inke mata pita hai. matlab ki vahi mata pita apne bachhe ke naam se pahechane jaane mai proud feel karte hai. Duniya ki is bhid mai har koi apni alag pahechan banana chahta hai. or ye bilkul galat bhi nahi hai.

Par ab sawal ye hai ki apni pahechan banane ke liye unhe kai kathin rasto se gujrana padega. baithe baithe asani se to kuchh bhi nahi milta. or jab vo nirantar apni manzil ki or badhta raheta hai or aakhir kar use apni manzil mil hi jaati hai tab tak unki aayu ke kitne varsh ho chuke hote hai jaha pe ek paripakvta hoti hai, samaj hoti hai. kya sahi kya galat vo aasani se parakh pata hai. par in sabke bich agar aapka ego aa gaya to samjo aap gir hi gaye. kyuki duniya mai aise kai famous log hai jinhone itni success payi hai life mai par fir bhi unka savbhav aisa hi nirmal hai , vinamra hai jo pahele tha.

Kaamyabi mai nasha to bahot hota hai or ye har koi janta hai jiske liye hum abhiman shabd use karte hai. abhiman or swabhiman mai bahot antar hota hai. Swabhimani hona sabke bas ki baat nahi hoti.

Apni pahechan banane ke saath saath dusri bhi bahot sari jimmedari hoti hai jise bakhubi nibhani hoti hai. chahe vo koi bhi vaykti ho. Aaj ye duniya badal gayi hai. Pahele shadi ke baad ladkiya apne husband ke naam se pahechane jaane mai Gaurav mahesus karti thi. Par aaj koi bhi kshetra ho ,ladkiyo ko bhi koi pabandi nahi hai. vo jaha jaana chahe jaa sakti hai. kyuki uske mata -pita bhi chahte hai ki uski bhi koi pahechan ho. Isiliye shadi ke baad bhi vo apni pahechan khud banati hai or usise vo jaani pahechani jaati hai. 

Shikha 

Zindagi na milegi dubara - Shikha

Aaj aise hi zahen mai kuchh baat aa gayi or vahi baat aap sabke samne rakhne jaa rahe hai. vaise to ye baat sabko pata bhi hoti hai par fir bhi kuchh baat hai jo aap sabse share karna chahenge.

Zindagi na milegi dubara ...ji ha ye movie bhi hai jo sabne dekhi bhi  hogi. Isi topic pe aaj kuchh baat karenge...or ha aap sab bhi apne opinion rakh sakte hai...comments mai:)

Sabse pahele bhagwan ne hume ye jo zindagi di hai uske liye unka shukriya ada karte hai. Zindagi mai such dukh to aate hi rahete hai kyuki such dukh Zindagi ke hi do pahelu hai. Na sukh mai hume abhiman karna chahiye na hi dukh mai himmat harni chahiye. kabhi kabhi kuchh bura hota hai to uske pichhe bhi koi na koi achhi baat hogi hi jinhe hum nahi dekh paate.

Jaha tak humne dekha hai ki kai log apni purani baato ko hi yaad karte hai or usi mai jeete hai. ye galat nahi hai par isse aapka jo aaj hai vo beet jayega or fir kabhi lautke nahi aayega. to kyu na hum apne aaj ko jiye...utni hi khushi se jab koi purani baat yaad karke khush ho lete hai. Dosto ki baat kare to jo pal dosto ke saath bite ho vo kabhi lautkar nahi aate sirf vo yaad banakar humare zahen mai bas jaati hai. Par vahi pal hum apna waqt nikalkar fir se dosto ke saath enjoy kar sakte hai. Kyuki waqt to apni hi lay mai chalta raheta hai na kabhi ruka hai or na hi rukega. Apne aaj mai kuchh aisa kare ki vo humare liye purani yaade ki tarah sunahari yaad banakar rahe jaaye ..jinhe yaad karke hume dil se khushi mile.

Fir baat aati hai khud pe apne aatamvishwas ki...jo kai logo mai kum jyada hota hai. Hum jaise bhi hai best hai aisa ek confidence hona chahiye khud mai. Kai ladkiya aisi hoti hai jo dusri ladkiyo ko dekhkar sochti hai ki kash mai aisi hoti. par aisa kuchh bhi nahi hota. sab mai koi na koi baat hoti hai jisse vo apno ka beinteha pyar paati hai. kyuki humari nakaratmak soch kab humare zahen pe havi ho jaati hai or kab humare confidence ko chaknachur kar deti hai ye pata hi nahi chalta. Isiliye humesha aap jaise ho sabse best ho yahi sochna chahiye or khud pe is baat pe naaz hona chahiye.

Zindagi milegi na dubara iska matlab hai ki ye jo zindagi mili hai aapko vo fir se nahi milegi , aapko jo bhi karna ho abhi kar lo, par kai log iska matlab ye karte hai ki khud ki life ko enjoy kare kya pata kal ye zindagi rahe na rahe. or yahi sochkar vo aise kaam karte hai jo khud ke liye bhi sahi nahi hote. humari zindagi ka aim yahi hona chahiye ki aapki vajah se jyada se jyada logo ko khushi mile. Humara apna jab kabhi bimar hota hai or hospital mai hota hai to hum unhe ek ummid dete hai, uske man mai confidence late hai ki aap bilkul pareshan na ho , dekhna kal aap bilkul thik ho jaoge. humara sirf aisa kahena unhe khushi deta hai. or koi aise bhi hote hai jo dekhne to aate hai or fir unhi ko bolte hai ki oho aapko ye hua hai..mere ek rishtedar ko bhi aisa hi kuchh hua tha or vo do din mai hi is duniya se door chale gaye. Ab aap hi socho ki ise ek thappad marni chahiye ki nahi..aise insan ko dekhkar vo bimar insan bhi yahi sochta hoga ki Bhai tu yaha aaya hi kyu?

Zindagi mai aage badhne ke liye chahe kitni hi pareshaniya aaye par kabhi nirash nahi hona chahiye. Apne lakshy ko apne zahen mai aise utaro ki aapko khud pe ek din naaz ho. hum jab chhote the bahot sare sapne the jin mai se kai tutkar kahi bikhar bhi gaye. par ek lakhay humesha raha , ek sapna humesha raha ki hum apni baato ko , apni soch ko logo tak pahunchaye or kisi na kisi ka sahara bane, uski andhkar zindagi mai humari soch roshni failaye. or dekho aaj humara sapna sakar bhi hua hai. us waqt nahi janti thi ki ye sab kaise karenge , koi rasta bhi nahi dikhayi de raha tha par fir bhi himmat nahi hari thi or aaj humne apni vo manzil paa li hai. Humari sakaratmak soch hume bahot aage le jaa sakti hai or rahe bhi khud hume rah dikhati hai.

Zindagi mai aksar log apni taarif ko sunna pasand karte hai par apni jo chhoti si koi buri aadat hoti hai us se vo pareshan bhi rahete hai. Par sabki soch alag hoti hai isiliye jo aapki taarif kare unke saath saath jo aapki burai kare uske liye bhi humesha taiyar rahena chahiye. Zindagi mai sirf aise dost mat rakho jo sirf aapki taarif kare balki un dosto ko bhi importance do jo aapko sahi rah dikhaye, aapke andar ki kamiya dikhaye. jisse aapko khud ko jyada bahetar banane mai aasani rahegi.

Zindagi mai har kisiko kuchh na kuchh karne ki chah hoti hai or yahi chah aapko kamyabi tak pahunchati hai. par is rah mai bahot se log milenge aapko or har koi apni apni baat aapke samne rakhenge par aapko karna vahi chahiye jo aapka dil chahta ho.

Zindagi ko puri tarah se jiye, jante hai aajkal humari zindagi itni vaysat ho gayi hai ki har koi yahi kaheta hai ki samay hi nahi milta. par nahi, zindagi ko jeena aapke haath mai hai . Apni family ke liye waqt nikale, dosto ke liye waqt nikale, or saath mai apni health ka bhi utna hi khayal rakhe. To aapne sahi maine mai apni zindagi ko jiya hai or jee rahe ho.

Shikha

Dahejpratha - shikha

Dahej Pratha / दहेज-प्रथा 

आये दिन आज भी दहेज़ प्रथा के किस्से अखबारों के ज़रिये पढ़े व सुने जाते हैं जिसमे दहेज़ के कारण आज भी कई लड़कियों को ज़िंदा जलाया जाता है, उसे बहुत टार्चर किया जाता है, उनका जीना मुहाल कर दिया जाता है और ये सब मेरी बरदाश्त से बाहर है., बहुत गुस्सा आता है मुझे. आखिर लड़कियों को भी जीने का उतना ही अधिकार है जितना कि लड़को को. तो फिर क्यों उन्हें शांति और सुकून से नहीं जीने नहीं दिया जाता. मै भी एक लड़की हूँ और मै भी इन हालातो से गुजर चुकी हूँ पर उस वक़्त मुझमे इतनी हिम्मत नहीं थी कि समाज के सामने लड़ सकूँ लेकिन आज कलम के ज़रिये मै एक लड़की की हालत को सबके दिलो तक पहुँचाना चाहती हूँ. ये दहेज प्रथा तो उन लालची इंसानों ने उत्पन्न की है जो पैसे के लिये लड़की के माता पिता का शोषण करते हैं जिसके कारण कितनी ही लड़कियां अपने जीवन से हाथ धो बैठती है

मेरे मित्रो, ध्यान रहे मै समाज के बने नीति-नियमो की बात नहीं कर रही. सचतो ये है कि दहेज-प्रथा, खास करके अमीर लोग, को बढ़ावा देते हैं. वे अपनी बेटीको आशीर्वाद के नाम पे ढेर सारी धन-संपत्ति व कीमती सामग्री देते है.पर वे ये नहीं जानते कीइसके कारण समाज का माहौल खराब होता है. सीमित आय वाले लोग भी दहेज के दुष्चक्र के शिकार हो जाते हैं. इस सबके परिणाम स्वरूप कितनी लड़कियों की जान जा रही है.अभी कुछ महीने पहले की ही धटनाहै. माता-पिता ने एक बेटी की बहुत धूमधाम से शादी की. वो अपने ससुराल गयी. कितनेअरमान, कितने सपने सजाए होंगेउस दुल्हन ने पर वो ख़ुशी ज्यादा देर तक नहीं टिकी. ससुरालमें कदम रखते ही ससुराल वालो ने कुछ और चीज़ो की मांग की. पर उस लड़की नेअपने माता-पिता को कुछ नहीं बताया और एक ही वीक में उसके जीवन का करूण अंतहुआ. जी हा, उसके ससुराल वालोंने उसे एक रात ज़िंदा जला दिया और इस प्रकार उस लड़की कीकहानी का दुखद अंत हो गया.
कहा जाकर रुकेगी ये दहेज-प्रथा की भयानक तस्वीरें. बसकरो अब बहुत हुआ हुआ . इसके लिये समाज के सभी वर्गों, विशेष रूप से आज की पीढ़ी से, हमारा नम्रनिवेदन है कि इस स्थिति की भयानकता को समझें और दहेज-प्रथा रूपी इस लानत को जड़मूल से समाप्त करने की दिशा में कारगर क़दम उठायें तथा बेटे और बेटियों के बीच किये जाने वाले भेद-भाव को खत्म करने की दिशा में अपने प्रयत्न तब तक जारी रखे जब तक कि इस समस्या समूल नष्ट नहीं हो जाती.  
शिखा

Muskan - Shikha

 

Muskan - hansi

 

Muskan ka apni life mai ek bahot hi khas hissa hai. Jis tarah se hum aansu ko apni aankho mai chhipa nahi paate usi tarah se muskan ko bhi hum nahi chhipa paate. Aaj ki ulzano se bhari zindagi ki daud mai log muskurana hi bhul gaye hai. Dear readers...guar kijiyega...kitno ko yaad hai ki vo pichhli baar kab khul ke hanse the? sach batana. sach to yahi hai ki hansna humari health ke liye bahot hi important hai. Lekin hum zindagi ki daud mai ise hi andekha kar lete hai. Dear readers...muskan humari life ka bahot hi ahem hissa hai. jaise ek sikke ki do baju hoti hai vaise hi zindagi ke do pahelu hai jise chahkar bhi hum nahi jutla skte. ek muskan or dusra aansu.

 

Muskan se hum samnevale ke dil mai apni khas jagah bana lete hai. Kai log aise hote hai jaise ki hansna to use aata hi nahi. har waqt serious hote hai. Agar aisa insan kahi bhi jayega to log kahenge are yaar ye kaha se aa gaya? par jo har pal hansta ho or sabko hansata ho aise insan ka log intezar karte hai .  Agar koi tension bhi hoti hai to bhi sochte hai ki kash ye aa jaaye, mood ban jaaye. usme kamal ka jaadu hai. Readers ..ye jaadu or kuch nahi aapki muskan hai. Jo ek pal mai aap sabke dil mai apni jagah bana lete ho.

 

Hansne se humare hraday ki exercise hoti hai jisse blood serculation achhe se hota hai. bade bade shahero mai laughter club khule hai jaha pe aapko khulkar hansna sikhate hai. Aaj ki ulzano se bhari zindagi mai kai tension ke saath log jee rahe hai or ye tension aapki health ko bahot kharab kar deti hai. Or fir kai tarah ki bimariya janam leti hai. Par agar aap khulkar zindagi ko jioge to aapki aadhi pareshani yu hi gayab ho jayegi. Mante hai hum ki bolna aasan hota hai par ek baar koshish to karke dekho. kya tension mai rahene se vo problem solve ho jaati hai? nahi na..to fir...hanskar uska solution dhundho...koi to rasta jarur nikal aayega.

 

Bahot hi sidhi si baat hai..Jab aap subah uthte ho or kisika hansta chahera dekhte ho to aapka dil bhi khush ho jayega...aap sochoge, aaj mera din achha jayega. par agar aap kisi aise insan ka chahera dekhoge to aapko achha nahi lagega ..kyu? ye jaadu sirf pyari si hansi ka hai. Kudrat bhi apne aap mai hume khush rakhne ka prayas karti raheti hai. jaise ki baarish...baarish ke baad khilti huyi si sunhari dhup, khile huye se gul, laherate huye hare bhare se pad, ye sab apni khushi ka ehesas aapko dilate hai jise dekhkar aapka man bhi khush ho jata hai.

 

Dear readers, Agar thodi si muskan se humari selfie achhi aa sakti hai to khulkar hansne se hum apni zindagi ki tasveer ko kitni khubsurat bana sakte hai ye socha hai kabhi..? Jaise aankho se aansu nahi chhip skte vaise hi hansi bhi nahi chhip sakti. or jisse aap or bhi khubsurat lagoge. Tan ki sundarta se badhkar hume khayal rakhna hai man ki sundarta ka. or jaha humara man khush ho vaha to koi problem hi nahi hai..So readers...jab muskan humari life mai itni important hai to use apnana to lajmi hai.

 

Jaise humare jivan mai food water ka mahatva hai vaise hi muskan ka bhi hai. or ye muskan sirf hum insano ko hi mili hai. Jis muskan se humara jivan itna khubsurat ho sakta hai to use kyu gavaye hum...Chalo aaj se hi ye tay kare ki chahe kuch bhi ho jaaye par humari hansi ko hum kabhi bhi khone nahi denge.

 

Pyari muskan ke saath vida leti hu...Good night

 

Shikha

 

 

Zindgi kya hai - Shikha

 

Zindgi kya hai....ek khubsurat tahfa..jo rab ne hume diya hai. Zindgi bahot hi pyari hoti hai fir bhi zindgi mai such dukh khushiya gum aate jate rahete hai. Zindgi hume bahot kuch sikhati raheti hai.

 

Duniya ki bhid mai jab hum akele hote hai to humari zindgi hi humari saathi hoti hai. vo hume andhero mai ujala karna sikhati hai..Kabhi udas huye bhi to hasna sikhati hai. Zindgi ki raho mai jo baate zindgi hume sikhati hai vo koi nahi sikha pata..

 

Waqt ke haatho jab hum haar jate hai tab zindgi hi hai jo hume nayi rah dikhati hai. Zindgi ne hume rishte diye...jinse humne pyar karna sikha. jinpe humne vishwas karna sikha. zindgi ne hume nayi pahechan bhi di...or kahi kisi ki pahechan cchhin bhi li...

 

Sabki zindgi mai kabhi na kabhi kuch aise pal aate hai jaha pe hume lagta hai ki bas ab sab kuch khatam ho gaya, jeene ki koi ummid nahi raheti...tab lagta hai ki zindgi ne hume siway durd ke kya diya? par usi zindgi ne jaha ek rasta bandh kiya to aapke liye dusra rasta khola hota hai jisse hum anjan hote hai...Zindgi mai khushiyo ki sabse badi niv hai rishte. jis rishte mai pyar , vishwas or samarpan ki bhavna hoti hai us rishte ko koi chahkar bhi nahi tod pata...Halat chahe jaise bhi ho par in bhavna ke karan aapke rishte atut or sneh se bharpur ban jate hai...Or tab zindgi mai sare rang bhar jate hai....

 

Shikha

Aansu - Shikha

AANSU

 

Aansu aankho ki paribhasha hai. Zindgi mai kabhi kabhi aise halat aa jate hai jaha pe hum kuch bol nahi pate sirf aansu hi nikalte hai. ye jaruri nahi ki aansu sirf dukh mai hi saath dete hai....khushi mai bhi kabhi kabhi aansu aa jate hai par us waqt aapke chahere pe aansu ke saath smit hota hai par dukh ke samay mai sirf aansu hi bahete hai.
 
Aansu ka koi nirdharit samay nahi hota. Jab koi baat dil pe lag jati hai to aansu apne aap nikal jate hai. use bulane ki bhi jarurat nahi hoti.
 
Aansu ka rishta aankho ke saath bahot puarana hai. Manavsharir mai aankhe bahot important hai..kyoki aankho se hi prem or nafarat dikh jati hai. Jab hum kisise pyar karte hai to sirf aankho se hi apne pyar ko jata pate hai or nafarat karte hai to vo bhi aankho se hi bata pate hai.
 
Gujarati mai ek kavi ne khushi mai aanvale aansu ke liye kaha hai.....
khushi no divas chhe khushi na chhe aansu,
Amne to aansu ni aadat padi chhe.
 
Or dukh mai aanevale aansu ke liye kaha hai,
Manas ne evuy karvu pade chhe,
Ke koi na juve em ene radvu pade chhe.
 
Aansu jis tarah se ek ladki ya fir aurat bahati hai usi tarah ek ladka ya fir ek purush nahi bahata. vo apne aansu ko andar hi andar chhupa deta hai. vo apne aansu ko kabhi bahar nahi aane deta. or isiliye vo dukh vo apne ander hi pi jata hai jiska bhar uske rhaday pe aata hai. jis karan se heart attack ki sambhavna purusho mai jyada raheti hai...kya aapne kabhi ye suna ki is mahila ko heart attack aaya...nahi na...kyoki iska karan hai aansu...Aansu bahane se uska jee khud ko halka mahesus karta hai.
 
TV. vale serials or movie jo banate hai...usme bhi aansu ek ahem part hai. kalakar aise part ko is tarah se pesh karte hai ki koi bhi immotional ho jata hai or uski aankho se aansu bahene lagte hai.....or hum shayad unme se ek hai....kyoki hum bahot hi savedanshil hai...to aise hisse sidhe humare dil ko chhu jate hai....
 
Aansu ki apni alag alag paribhasha hai.
Jaise ki Aansu kisiki lachari-majburi ke bhi hote hai, Aansu sahanubhuti ke hote hai, Aansu apni chahi cheez pane ke liye bhi nikalte hai, Aansu khushi ki pal mai bhi hote hai.
Jab beti apne sasural jaa rahi hoti hai tab bhi pita ki aankho mai aansu aa hi jate hai. par ye aansu vatsalay ke hote hai. jab koi chhote bachhe ki cheez kho jati hai to uski aankho se bhi aansu bahete hai..par ye aansu sabse alag hote hai. Jab koi pyar kanevale ekdusre se door hote hai to judai ki pal ke liye unki aankho se bhi aansu bahete hai jo sirf pyar ka pratik hote hai.
 
Aansu ka koi rang nahi hota fir bhi vo pyar or vedna ki abhivyakti karne mai safal rahete hai.....

SHIKHA

 

 

 

housewife -Shikha

Housewife

 

Dear Readers, Housewife sunne mai kitna simple sa word hai par yahi ghar ki niv hai or ye use khud pata nahi hota hai ki uski kya ahemiyat hai. Aaj duniya mai jaha har jagah pe nari ne bhi apni shakti se, vishwas se ghar ke bahar jo apni pahechan banayi hai ....is waqt mai aaj agar kisi housewife ko puchha jaye ki aap kya karte ho...to unhe khud ko housewife batane mai sharmindgi mahesus hoti hai. kya ye sahi hai....bilkul nahi. Aaj hum housewife ka vo pahelu aap sabke samne rakhne jaa rahe hai jise harroj dekhne or samjne ke baad bhi hum nazarandaz kar dete hai.

 

Suraj ki kiran se din ki shuruaat hoti hai vaise hi housewife suraj ki kiran ki tarah hoti hai. usi se ghar ke sabhi sadsya ke kaam ki shuruaat hoti hai. housewife ghar ke sabhi sadsya se pahele uthti hai or ghar ke sabhi chhote mote kaam mai jud jati hai. jaise ki breakfast banana, kids ko jagana, use samay pe taiyar karke school bhejna, husband ko waqt pe uthakar office bhejna. bade bujurgo ka khyal rakhna, ghar ke sabhi sadsya ki chhoti chhoti jarurat ka khyal rakhna....ye sab baate vaise bahot chhoti lagti hai..par vo bahot badi hai. Agar ek din  vo bimar ho jaye to sabkuch ruk jata hai. Agar ek din vo der se uthe to sabko der ho jati hai....koi apna kaam waqt pe nahi kar pata hai. Housewife apne pyar se sare sadsya ko bandhe rakhti hai. uske bina to ghar ghar hi nahi lagta.

 

Ghar ke sabhi sadsya ke uthne se pahele vo uthti hai or rat ko sabke sone ke baad vo soti hai. Ek din ki chhutti bhi use nahi milti. or fir bhi Readers....khushi ki baat kya hai pata hai ki ye sare kaam vo apni khushi se , dil se karti hai. Kabhi bhi koi shikayat nahi karti or na hi shikayat ka mauka deti hai. .....AISI HOTI HAI HOUSEWIFE. Jo apne man ki malik hoti hai, apne ghar ki malkin hoti hai. Vo kisi pahechan ki mautaj nahi hai kyoki vo apne aap mai hi bahot badi pahechan hai.

 

Ghar ke sabhi sadsya ko vo bakhubi samaj pati hai, ghar ka koi jab bahar se ghar aata hai to unhe dekhkar hi uski pareshani samaj jati hai..uski khushi ho to use vo mahesus kar pati hai. baccho ko koi problem ho to use turant solve karne ki koshsish karti hai. sabki khushi mai vo apni khushi dhudhti hai or usi mai use khushi bhi milti hai. Aisi hoti hai housewife.

 

Readers.......I request u all....guys.,..ki Housewife hona hi uski khud ki pahechan hai. vo jo kaam karti hai vo shayad koi nahi kar pata hai. Housewife hone pe sabko unpe naaz hona chahiye na ki uska mazak udana chahiye.

 

Shikha

 

Ladki ka ghar - Shikha

Ladki ka ghar

 

Dear readers, Aaj hum jo article likhne jaa rahe hai vo ek ladki ka durd hai. Fir vo ladki koi bhi ho, housewife ho, job karti ho, ye fir uska khud koi business hi kyo na ho. ye ek succhai hai ladki ke jivan ki, jise aaj tak koi nahi sulja paya hai.

Ladki ka jab janam hota hai tab se mata pita uska bahot hi khayal rakhte hai, phoolo ki tarah use bade najo se badi karte hai. uski har khushi ka khayal rakhte hai. jab ladki badi ho jati hai to yahi mata pita apni beti ko kisi or ke haatho me sonp dete hai...jis parivar se vo anjani hai, jis saathi se vo anjani hai....fir bhi kudrat or samaj ke banaye gaye ritirivaj ke karan vo apne dil ko tasalli dete hai ki humari beti uske ghar me khush hi rahegi.

Ye ladki ek anjane parivar me , apne jivansaathi ke saath apni zindgi bitane kai sapne sajakar uske ghar jati hai...ab sawal ye hai ki kya ye sapne uske pure hote hai....? kya us ghar me use vo pyar or sanmaan milta hai? ye har ladki ki kismat me kaha? ye is duniya ki succhai hai jise koi jutla nahi sakta.


chalo ek baar ye maan bhi le ki yahi kudrat ka niyam hai to kya sasural me jakar vo khushi se rahe pati hai? vo uska khud ka ghar hota hai........nahi ..kyoki sasural vale use khud ka ghar manne hi nahi dete. vo lakh koshish kare sabko apna banane ki, us ghar ko apna mankar rahene ki, fir bhi use baar baar ye sunna padta hai ki ye tera ghar nahi hai. maa baap ke ghar me kya tha....? Are aise words ka istemal karte hai jo usne kabhi sune hi na ho. kya vo khud chalkar aapke ghar me bahu banke aayi thi.....nahi na...aap sabki sammati se, duniya ke samne aapne use swikara tha...fir aisa kyo? kya aisi baato se unka dil rota nahi hoga? par kaun samjega ye sari baate?


Itne saalo se jis ghar ko vo apna manti thi usi ghar ko chhodkar jab unhe sasural aana pada tab uske dil pe kya biti hogi? yaha aane ke baad jab unhe yahi sunne ko mile ki ye tera ghar nahi hai, uske saath parayo jaisa vartav ho, ghar ki baate usse chhupayi jaye, or uske pyar ke badle me use mile sirf or sirf taane.......kya vo tutke bikhar nahi jayegi? kaun sambhalega unhe? par ye sari baate janne ki kise parvah hai... is duniya me aisi kai ladkiya hai jise aaj bhi ye sab sahna padta hai...


Readers, is duniya ki ek ladki aisi nahi hogi jisne sasural me aakar kitna kuch nahi saha hoga...sabko kisi na kisi baat me adjust karna hota hai....par vahi ladki jab saans ban jati hai to vo bhi apni bahu ke saath vaisa hi karti hai. vo ek baar bhi ye nahi sochti ki jab mere saath ais ahota tha to muje kitni taklif hoti thi..or vahi mai apni bahu ke saath karne jaa rahi hu. tab uska saans ego uske samne hota hai. duniya me agar aaj ek ladki pareshan hoti hai to uski pareshani ki vajah bhi jyadatar ek ladki hi hoti hai....fir chahe vo koi bhi roop me ho.


ek pyari si ladki jab shadi karke sasural aati hai to saath me kai sapne bhi sajake lati hai or vahi sapne jab tutkar bikhar jate hai to use lagta hai zindgi jaise khtam hi ho gayi, jine ki koi vajah hi nahi raheti. or tab vo khudkushi karti hai ya fir ek mashin ki tarah apne kaam karti raheti hai..or vahi uski life ban jati hai.


Agar sabko vo pasand aa gayi to thik hai varna use ye bhi pata nahi hota ki uska basera us ghar me kab tak hai? saans ko kuch acchha nahi laga to suna diya, ghar se nikal diya, pati ko acchhi nahi lagi kuch problem huyi to usne ghar se bahar nikal diya, ye kaisa insaaf hai.................

Kai village mai aaj bhi dahej ke liye bahu ko pareshan karte hai, use jinda jala dete hai, or dahej ki baat to puchho hi mat. dahej to rich log bhi len den ke naam se karte hai. apni beti ko dena hai ..to itna to dena hi padega. Are jab beti ko uske mata pita ne jo bhi diya usme khush hai, koi pareshani nahi to fir aap log kaun hote hai....


Dear Readers, ye article jo bhi ladkiya padhe use shadi se bilkul darne ki jarurat nahi hai. ye padhkar usko apne man ko strong banana hai ki chahe kitni bhi mushkil aaye..vo galat baat ke liye kabhi nahi jukegi, dahej ki baat jis rishte me ho vo rishta hi nahi swikarna. or life me khudkushi to kabhi bhi nahi karna....khudkushi kisi bhi problem ka solution nahi hai balki kayarta hai. Hum sab aaj ki 21 vi sadi ki nari hai or hume har haal me nirbhay banna hai. Jis ghar me aapke sanskar dekhkar aapko pasand kiya jaye usi ghar me jana.........or apne pyar or niswarthta se sabko apna bana lena. shadi usi se karna jo sirf or sirf aapko pyar karta ho, aap jaise bhi ho use pasand ho bas.......tabhi vo rishta pavitra rishta ban pata hai.



ye article likhne me ho skta hai kai galtiya huyi ho...plz use nazarandaj kar dijiyega....



Shikha

Door gagan ki chhav mai - Shikha

 

Door gagan ki chhav mai...

 

Ye gagan bada hi vishal hai. jiski koi sima nahi hoti hai. Vo apni chhav mai sab logo ko sahara deta hai. Hum bhi jab hum bahot hi chhote the....takriban 11 sal ke the tab ek din isi gagan ki chhav mai bahot bahot hi door gaye the or apna kuch waqt gujara tha. kya uska saundray tha. Vais ebhi kudarat ka saudray nikharne ke liye to har koi utsuk raheta hai. Door gagan ki chhav mai humne kuch aise pal gujare jiska aaj bhi hume samran hai. Vo vishal rangin gagan, charo or hariyali, jaise Dharti ne hari sari paheni huyi thi. Solah srngar karke nikli huyi dulhan ki tarah dharti bhi zagmaga  rahi thi. Door kshitij mai surya asat hone jaa raha tha, ye saudray bada hi adbhut tha. hum isi gagan ki chhav mai bahot bahot khele, hansi majak kiya, geet gaye, or fir is lamhe ko man me bansaye daudte huye, khelte huye, ghar vapas aaye. Na koi khatpat, na koi hume roknevala, itni shant jagah thi vo. jo pal humne bitaye jiska aaj bhi hume aanad hai.

 

Shikha

 

Pyar kya hai - Shikha

Pyar kya hai....

Pyar sirf dhai akshr ka shabd he. Sadiyo se vo alag alag tarike se pahechana gaya he, fir bhi anjan hi he. Pyar ke saath har waqt ek pagalpan hota he. Pyar kiya nahi jata...vo to bus....ho jata he....Pyar to sahaj he. Saccha pyar kabhi marta nahi he. Pyar me koi bhi shart nahi hoti he or na hi apne pyar ke liye badle ki bhavna hoti he....Pyar jaha bhi hota he vaha sirf pyar hi hota he..or kuch nahi.

Pyar to ekdusre ke purak he. Pyar me ekdusre ke saath zindgi bitane ki zankhna he. Alag huye to ekdusre ke liye intezar karne ka aanad he. Ekdusre se door hote huye bhi jab dono ekdusre ka khayal rakhe, ekdusre ke hi baare me soche...vo pyar he. Pyar to do dil ki angat sammti he..jaha pyar hota he vaha dar nahi hota. Jab koi kisise saccha pyar karta he to vo usse darta nahi he. vo harwaqt us rishte ko nibhane ki koshish karta he..

Aisa kya he pyar me.....

Dono ekdusre ko dekhe..or dono ki chemistry aisi click ho jaye ki dono ekduje ke bina rahe hi na paye...Dono chahe ekdusre ka saath.
Dono ko aisa hi lage ki jaise janmo janam se vo dono ekdusre ko jante he, pahechante he.....unki har khushi usse judi he....uski saanso ki rawani unse he, unki aankho me tasvir unki he......or Vo hi PYAR he........

Sangeet - Shayari ka jaadu - Shikha

Sangeet-Shayari ka jaadu

 

Aaj hum yaha pe jo article likhne ja rahe he unka humare jivan se bhot gahera nata he..Ummid karte he aap sabko bhi pasand aayega.


Sangit or shayari humare durd ki sabse badi dawa he. Jiske liye hume kisi doctors ke pass ki kisi vaid ke pass nahi jana padta. Ye vo jadu he jisse manushy apne aap me itna dub jata he ki use khud pata nahi raheta. Isme ek aisi pavitra bhavna or sneh hota he jisse dil ko sukun sa mahesus hota he.


Such to ye he ki music or shayari ke bina to humara jivan hi adhura he. Jab hum bhot udas hote he, akele hote he, tab ye sangit or shayari hi humare man ko aanandit karta he. Jab hum kisise naraz hote he, ye duniya se nafarat si hone lagti he us waqt yahi humare dil me pyar ki divya jyot jalate he. Har durd ka ilaj he sirf geet or shayari. Yaha pe bhi humne jitne bhi shayaro ko jana he uski vajah he Tanhayi, bewafai, jisse dil tut sa gaya hota he par shayari likhne se unke dil ko sukun milta he. Ye sangeet or shayri ka jadu nahi to kya he........


Agar koi ek pal ke liye, sirf pal ke liye ye soche ki agar is duniya me music or shayari hi na hoti to............agar aisa hota to manushay ka jivan bhi pashu saman ho jata...jivan me koi rang nahi hota, koi khushi nahi hoti... Geet or shayari me vo jadu he jisse log apno ko dil ki baat kahene ke liye dil ka saaz chhedte he or apno ko khush karte he, ruthe ko manate he. Inme vo pavitra pyar he jisse hum ajib si khushi mahesus karte he. Dil ki har dhadkan, har saanso me pyar ki ragini geet or shayari ke roop me chhayi hoti he. Inke bina ye jivan , jivan nahi balki abhishaap ho jata...or Yahi he Sangit or Shayari ka jadu......


Jaha tak humari baat he hum inse itne jude huye he ki inke bina to saanse bhi nahi chalti...shayad yahi humari dhadkan he.
I hope u guys all like this article....give your opinion please...

 

Shikha