Bas ek kadam or - Shikha

Kuchh na kaho suno haath thamkar mera chalte raho,

Bas ek kadam or aur samne aashiyana humara hoga.

Ambar ke niche badlo ke pichhe koi to kiran hogi,

Bas ek nazar or aur katil aankho mai ab ishara hoga.

Zilmilate sitare honge or chand ki chandni bhi hogi,

Bas ek prayas or aur samne humara aashiyana hoga.

Palko pe khwab honge or tere baaho ki panah hogi,

Bas ek kadam or aur Ishq se Shikha ka milan hoga.

Shikha

Dil ko lubhaye - Shikha

Chahkar bhi bhul na paye tuje aisi teri kashish hai,

Muskurahat  teri dil ko lubhaye aisi teri adaye hai.

Hoth tere mulayam se aankho mai aisi gaherai hai,

Chahat teri is dil ko lubhaye aisi teri ye baate hai.

Ho tum sabke jaise fir bhi sabse kyu aise alag hai,

Saath tera dil ko lubhaye aisi pyar ki barsaate hai.

Sari khushiya judi mere humsafar sirf tumse hi hai,

Sangeet tera is dil ko lubhaye aisi teri ye adaye hai.

Shikha

Tujse hi Ishq karti hai - Shikha

Aaj bhi teri ye diwani tujse hi ishq karti hai,

Aaj bhi teri ek hansi se hi vo muskurati hai.

Teri sirf ek mithi nazar or vo nikhar jaati hai,

Pyar se hi tere vo jaise saj jaaya  karti hai.

Teri sirf ek  chhuan or vo tadap jaati hai,

Baaho mai simatne ko teri betab ho jaati hai.

Teri sirf ek dilkash zappi or vo mahek jati hai,

Shikha chahat se teri yu hi khil jaaya karti hai.

Aaj bhi teri ye diwani tujse hi ishq karti hai,

Aaj bhi teri ek hansi se hi vo muskurati hai.

Shikha

Sirf tujse hi pyar hai - Shikha

Dil ko mere humesha se sirf tujse hi pyar hai,

Par mere raj kumar ko ye baat Mai bataaun kaise.

Jiski aane ki aahat hi dil ko betab kar jaati hai,

Dil ki ye halat tujse ab chhupaun kaise.

Jiski hansi se labo pe mere hansi chha jaati hai,

Dil ka ye pagalpan tujko dikhaun kaise.

Aaine mai jab dekhu to galo ki rangat khil jaati hai,

Aankho mai ab kajal mai lagaun kaise.

Sine se uske lipatkar pyar mai uske kho jaati hai Shikha,

Apni is betabi ko alfazo mai ab sajaun kaise.

Shikha

Mausam hai baarish ka - Shikha

 

 

 

Mausam hai barish ka or yaad tumhari tadpa rahi hai,
Bavra ye man mera jaane kaha bhaga jaa raha hai.

Kale dhane badlo se pani ki boonde baras rahi hai,
Diwana ye dil raho mai khade tera hi intezar kiye jaa raha hai.

Sari fizzaye intezar mai tere nikhar nikhar jaa rahi hai,
Gulshan mai suhane phool pe bhanwr chipak jaa raha hai.

Diwani teri kitne sapno ko sanjoye teri hi rah tak rahi hai,
Bade bade nayno mai sirf tera hi aks dikhta nazar aa raha hai.

Barish ki boondo ki qatre dhire se mere labo pe gire jaa rahi hai,
Tu kab aaye or labo se uthaye ise usi pal ka intezar raheta jaa raha hai.

Shikha

Aapka vo humare balo ko chhuna - Shikha

 

Aapka vo humare balo ko chhuna aaj bhi yaad aata hai,

Chhupke se aakar hume jee bharke dekhna aaj bhi yaad hai.

 

Aapka vo humare chahere se nazar nahi hatana yaad aata hai,

Chhupke e aakar humare galo ko chumna aaj bhi yaad hai.

 

Aapka vo humare karib aana or humari saanso ka tham jana yaad aata hai,

Chupke se aakar hume apni baaho mai bhar lena aaj bhi yaad hai.

 

Aapka vo humare hatho ko apne hatho mai lekar pyar jatana yaad aata hai,

Chupke se aakar shikha ko apne sine se lagana aaj bhi yaad hai.

 

Aaj ek baar fir dil pe apna haath rakhkar bata do mere sanam,

Kya aapko bhi ye sapno se saji dastan yu hi yaad aati hai...

 

Shikha

Kabhi aise bhi aa jaya kar - Shikha

Kabhi aise bhi aa jaya kar humari nigaho mai,

Ki nind bhi aaye or khwabo mai mulaqat bhi ho jaaye.

 

Kabhi aise bhi aa jaya kar humari baaho mai,

Ki aankhe bandh karke aap mai hi khoye rahe jaaye.

 

Kabhi aise bhi aa jaya kar humare khayalo mai ,

Ki kitna bhi aapko door karna chahe par soche bina raha na jaaye.

 

Kabhi aise bhi aa jaya kar humari duao mai,

Ki humari har dua mai zikra aapka hi hum karte jaaye.

 

Kabhi aise bhi aa jaya kar humari saanso mai,

Ki saanso ki rawani sirf aapke hi naam se dhadakati jaaye.

 

Shikha

Aapko gale se laga lenge hum - Shikha

 

Aa jao aap paas humare to aapko gale se laga lenge hum,

Saath rahenge sirf aapke or kuch na sochenge hum.

 

Izazat do aap to muhobbat itni karke lipat jayenge hum,

Apni har ada se muhobbat ki har had ko mita denge hum.

 

In khubsurat labo ko aapke labo se laga lenge hum,

Aap agar do ishara to aagosh mai aapke bikhar jayenge hum.

 

Ab na jao door humse ki rooh mai aapki utar jayenge hum,

Saath rahe harpal aapke or kisi ko na nazar aayenge hum.

 

Shikha