Aaj bhi yaad aate hai vo school ke pyare pyare din,
Na jaate the school kabhi hum humare dosto ke bin.
Kaisi masum si dosti thi or kaisa vo pyar tha,
Ek pal ki bhi judai se ye dil jo darta tha.
Chalte chalte kabhi pattharo ko thokar marna,
Kabhi bahot hansna to kabhi rote huye lautna.
Kandhe pe school bag liye kabhi late hone pe daudna,
Kabhi homework na karne par teacher ki dant khana.
Yaad aate hai vo ink se apna uniform kharab karna,
Yaad aata hai sab dosto ke saath milkar hangama karna.
School time khatam hone par bhagkar bahar aana,
Fir dosto ke saath dher sari baate karte huyye ghar jaana.
Nahi pata tha bachapan mai kitni jimmedariyo ko aage hai nibhana,
Apne kai sapno ka tutna or naye sapno ko naye safar mai hai sajana.
Kash vo bachpan ke din aaj fir se laut aaye,
Apne dosto se aaj ek baar fir se mulaqat ho jaaye.
Shikha
