Palko ko maine - Shikha

Palko ko maine dhire se uthaya or dekha teri or,

Janna chahti thi kya kahe rahe hai tere ye naina.

Kaise ek pal mai  naina tere ghayal bana gaya,

Us din Koi to magic  chala  tere naino ka tha .

Ek ajib si kashish thi teri chahat jo ye dil to gaya,,

Us din Koi to pyar se mere samne muskuraya tha.

Sachha pyar kitna bhi chhipaye nahi chhipta shikha,

Us din koi to mere ghar aakar muje le jaane aaya tha.

Shikha 

Sada dil tha - Shikha

Sada dil tha vo par nazre badi katil thi,

Muskurahat mai uski ajib si kashish thi,

Na jaane kaun si dor thi hum dono ke bich

Uski or shikha khinchi chali jaa rahi thi.

Shikha

Sada dil - sidha dil

Mai chahti hu - Shikha

Chandani chand ko chahti hai jis tarah,

Mai chahti hu tuje beinteha usi nazar.

Gulshan mai gul ye khilte hai jis tarah,

Mai nikharti hu tuje yu dekh- dekhkar. 

Shikha

Ab na saath chhutega - Shikha

Kho diya agar maine tuje to dil bhi bahot royega,

Beinteha muhobbat ki hai ab na saath chhutega.

Ruhani ehesas ko jiya hai maine sirf teri badaulat,

Socha na tha  jivan ka har pal tumse yu jud jayega.

Aaj bhi teri kadmo ki aahat ko pahechan leta ye dil,
Dil pe tere pyar ke ye nishan  kabhi na mit payega.

Palko pe khwabo ko udan dekar aashiyana jo sajaya,
Shikha kaheti suno yaar ab to ye aangan mahekega.

Shikha

Lahu mai kalam - Shikha

Lahu mai kalam ko bhigokar 

Kuchh aisa likhna chahu,

Mere pyar ki  barish se

Tuje bhigona mai chahu.

Shikha

Uska chahera - Shikha

Uska chahera muje sukun de jaata hai,

Ankahi si baate chahera bata jaata hai,

Subah hoti hai uska chahera dekhkar,

Khayalo mai mere vo hi rahe jaata hai.

Shikha

Itni raat gaye - Shikha

Itni raat gaye bhi jaane kyu nind aankho se door hi rahi,

Ye kaisa ishq hai jo chain se sone bhi nahi deta or bechaini hi rahi.

Shikha

Sara pahar - Shikha

Sara pahar unki yaad mai tadap jata tha,

Jab dil mai unke saanse ban utar jaate the.

Shikha

Dekhte ho - Shikha

Sukun milta hai jab tumse baat hoti hai,

Chand se jaise chandani mil jaati hai,

Dekhte ho tum yu pyarbhari nigaho se,

Mere liye to vahi pal kaynat hoti hai.

Shikha

Barso ke baad - Shikha

Barso ke baad hoti hai ye mulaqat,

Fir bhi dil ki baate ye puri nahi hoti,

Ruhani ehesas se jud jaate hai hum,

Fir bhi dil ki bechaini kam nahi hoti.

Shikha

Dil ki kai ankahi baate - Shikha

Dil ki kai ankahi baate aaj labo pe aa jaane do,

Mana ki ye mushkil hai par raaz khul jane do.

Nazre milte hi palke meri jo zuk jaya karti hai,

Ye haya ye betabi par se ab parda hat jane do.

Teri yaad aate hi labo pe mere hansi aa jati hai,

Nigaho mai meri ab sapno ki duniya saj jane do.

Shikha ki kalam yaado se khud b khud chalti hai,

Pyar se likhe har lafzo ko ab shayari ban jane do.

Shikha

Hawa ki tarah - Shikha

Hawa ki tarah vo meri zindagi mai aaya,

Vo kya aaya muje pyar karna sikha gaya,

Tanha thi mai vo ishq ka samunder le aaya,

Vo kya aaya muje sapno ka jaha dikha gaya.

Shikha

Door hi sahi - Shikha

Duniya ki bandisho mai hum yu hi mit jayenge,

Door hi sahi mai par har pal tuje yaad karenge.

Kabhi meri shayari ko shanti se  padh lijiyega, 

Meri har shayari mai sirf khud ko hi payenge.

Kabhi aankho mai chhipe aks ko dekh lijiyega,

Na socha tha kabhi ki ajnabi jaan ban jayenge.

Kabhi apne hotho se mera naam bhi lijiyega,

Jab bhi yaad karoge dil se hume paas payenge.

Shikha.

Dil pe dastak di - Shikha

Atit ki yaado ne aaj achanak hi dil pe dastak di,

Dhyan se dekha to teri dhundhli si tasvir dikhi.

Jaise hi aage badhne lagi aankhe bahene lagi,

Lagakar tujko gale mai tujme hi simatne lagi.

Khamosh thi mai aaj tak jo ab thi nikharne lagi,

Teri bahao mai aakar khushbu si mahekne lagi.

Tere pyar mai fir se fiza mai bahar hai aane lagi,

Pagal si shikha tere pyar mai fir yu bahekne lagi.

Shikha

Ruk jao na - shikha

Ruk jao na tum yu ruthkar na jao tum,

Dil ke jazbaat ko mere pahechano tum.

Narm ehesas dil ke hai gale lag jao tum,

Lagkar gale mujme hi sama jao na tum.

Pyar mera sachh chhodo ye takrar tum,

Tumhi mere manmeet ho samaj lo tum.

Mere dil ki khamoshi ko samajo na tum,

Shikha ki betabi yu na badhao aa jao tum.

Shikha

Na jaane kaun sa din tha vo - Shikha

Na jaane kaun sa din tha vo,
Jab tujse nazre mili thi meri,
Tere pyar ka rang jab se paaya,
Or koi rang jachta hi nahi muje,
Na koi ehesas bhigo  paata hai, 
E Chand tu milna kabhi muje,
Pyar ka izhar karungi mai vaha,
Kshitij ka milan hota hai jaha,
Itne varsho ke baad bhi jab,
Nahi bhul paayi mai tuje,
Jaane kya kashish hai tujme,
Khinchi chali aati hu teri or.
Kitne sajde kiye duaye mangi,
pyar mera jaha bhi rahe,
bas salamat humesha rahe.

Shikha

Tum meri zindagi ka vo aaina ho - Shikha

Tum meri zindagi ka vo aaina ho jo kabhi tutega nahi,

Tu jo saath mere hai to kisi or cheez ki chahat nahi.

Jitna bhi dekhu tuje dekhti hi rahu pyas ye buzti nahi,

Zindagi ko jeene ki talap badhti raheti hai ye rukti nahi.

Kyu teri or ek anjani dor se khinchi aati hu janti nahi,

Saanso se teri ye saanse milne lagi hai ye rukegi nahi.

Teri baate muje apni lagti hai ye yaari chhutegi nahi,

Taarif jitni bhi karu teri ye ab khatam hogi hi nahi.

Shikha

Tum hi mera mandir ho - Shikha

Tum hi mera mandir ho or tum hi meri puja ho,

Jise mere lafz baya na kar sake vo murat ho.

ye kaisa khumar chhaya hai mujpe saathiya,

Bin tere mera koi vajud nahi vo pahechan ho.

Yu hi nahi likhti raheti tumhe apni shayari mai,

Jitna bhi likhu lafz  kam pad jaaye vo pyar  ho.

Shikha ke dil ki dhadkan mai apna naam likh ja,

Jise dekh nadan dil dhadkana chahe vo Aarzu ho.

Shikha

Aankhe jab baya karti hai dil ki juba- Shikha

Aankhe jab baya karti hai  dil ki juba,

Fir kaise kare hum is dil ka haal baya,

Vo  bhigi baarish or mitti ki khushbu,

Vo pyar mai dubi teri pyari baate,

Teri vo mithi si katil nazar ka jadu,

Tera vo muje pyar se yu dekhna,

Nazar ka milna or dil ka machalna,

Aaj bhi yaad hai vo sari baate,

Kash ban jaaye tu humesha mera.

Shikha