Hume pyar hai tumse - Shikha

Hume pyar hai tumse...
Tumhari nazro se chhupte hai ,
Tumhare paas aane se darte hai,
Bekarari badhti raheti hai,
kaise kahe ki hume pyar hai tumse.
Tumhari baate dil ko khush kar deti hai,
Tumhari hansi dil ko sukun de jati hai,
Tumhari har ada pe fida hai hum,
Fir bhi kaise kahe hum ki hume pyar hai tumse.
Tumhari vo masum si harkate,
Vo nadaniya jise nazarandaz hai hum karte,
Tumhare paas aati mushkilo ka rukh hai modte,
Fir bhi kaise kahe hum ki hume pyar hai tumse.
Shikha

Aankhe Tarasti hai - shikha

Aankhe tarasti hai....

Kale kale se badal yaha pe jyada nahi sajte hai,

bhini bhini barish ki bundo me na koi maje lete hai.

Barish bhi barish yaha pe nahi lagti hai,

bacche bhi kagaz ki naav nahi banate hai.

Na AC vale kamre me nind suhani aati hai,

Khuli chhat pe sone ki maja nirali hoti hai.

mungfali, bair, jamrukh kaha yaha koi khate hai,

samose or pizza khakar hi khush raha karte hai.

Dil dukhne par maa ki mamta yaha kaha mil pati hai,

Gadi ke dhuve me hi har khwab sisakte rahe jate hai.

Apne ghar ke jaisa pyar yaha kaha mil pata hai,

such kahete hai..kabhi kabhi to aankhe tarasti raheti hai.

Shikha

Aise to nahi ki-shikha

Aisa to nahi ki ......

Aisa to nahi ki koshish nahi ki,

maine kai baar koshish ki,

Tumse bahot hi door jane ki,

par milo door

chalne ke baad bhi,

jab pichhe mud kar,

dekhti hu to,*

Tum utne hi,

karib dikhte ho,

Aaj bhi ,

sochti hu tab,

mai kaun hu,

Kya astitav hai mera.

Tumhari hi,

yaado me,

aaj bhi ji,

Rahi hu mai.

Shikha