Khushi ka din - Shikha

Aaj badi hi khushi ka din hai,

Mere sona ka aaj janamdin hai.

Sari duniya se door le aayi mai tuje,

Ye pyari si muskan humesha yu hi rahe.

Kismat ki lakiro se churaya hai maine tuje,

Mahebub mera humesha yu hi saath rahe.

Ishq e samundar mai chalna hai ab tuje,

Jaha ki sari khushiya teri zindagi mai rahe.

Kamyabi ke shikhar ko chhuna hai tuje,

Roshni raho mai har pal yu hi bani rahe.

Rahungi sada teri banke ye wada hai tujse,

Dhadkan mai teri sada shikha yu hi milti rahe.

Shikha

Janam din ki bahot badhai - Shikha

Janam din ki bahot bahot badhai mere pyare Bhai,

Kya karu mai us rab se dua aaj ke din,

Jisne khud tuje uske paas bula liya hai.

 

Fir bhi us rab se gujarish itni meri hai,

Aap jaha bhi ho aapke labo pe hansi ye kayam rahe.

Aapki har khwaish chutki bajate hi puri ho jaaye.

 

Dua hai meri ye ki mit jaaye teri rah ke gum sare,

Tumhare har andaz mai sirf masti hi masti rahe,

Mere Bhai jaha bhi ho rab aapka har pal khayal rakhe.

 

Ye din ye mahina ye tarikh jab jab aayegi,

Khushi ke saath aankho se hum sabki ashru bhi bahayegi,

Kitna miss karte hai  ye bhala hum sab kaise bataye tumhe.

 

Jab bhi ye din ab to aaya karega,

Mai sajati rahungi mahefil tumhare naam ki.

Har Bhai bahen ke rishte mai zikra humare pyar ka hoga.

 

Aaj ke din hum karte hai yahi dua us rab se,

Roshni ke ujalo ki tarah ho jeevan tumhara,

Jaha bhi kadam tumhare pade pyar ki fuwar rahe.

 

Shikha

 

 

Mere pyare Bhai ko hum sab bahen ki taraf se samarpit

Birthday shayari- Shikha

 

Kal 14 th august ko humari pyari di ka janamdin hai.....mum ke baad vo hai jo humara har pal khayal rakhte hai....puja karte hai hum unki....To aaj ki shayari sirf unke naam...

 

Humari ye dua hai di Sada khush raho aap,

Bikhre ho raho mai sirf phool hi phool jaha bhi raho aap.

 

Tohfa kya de hum duao ke siwa or kuch aapko,

Pyar se rahenge sada saath ye wada karte hai aapko.

 

Ehesas -e-shikha de aapko ki de de chand sitare,

Janamdin pe aapko kya de ye puchhte hai hume sare,

Humari zindgi aapke naam kar de ye bhi to kum hai,

Daman mai aapke harpal khushiya rahe ye dua karte hai hum sare.

 

Di hai humari sare jaha se nirali,

Lagti hai hume vo apni jaan se pyari,

Humari bhi nazar na lage aapko,

Lag jaye tuje umar bhi humari.

 

Happy Birthday my sweet di..............

 

Shikha

Khushiya ki bahar - Shikha

 

Phool hi phool khilte rahe aapki har rah mai,

Hansi yu hi chhalkati rahe aapke labo mai,

Har kadam pe mile aapko khushiya ki bahar aapko,

Dil de raha hai yahi dua ye aapki zindgi mai.

 

Shikha

Khush raho har din - shikha

Bahot bahot Mubarak ho aapko aajka ye din,

Dua hai humari aap khush raho har din.

Na aaye kabhi koi gum raho Mai aapki,

Khushiya mile zindgi ki har pal har din.

Mana ki kaante to bichhe honge har rah pe aapki,

Pyar mera un kaanto ko bhi phoolo Mai badal dega har din.

Nahi jee pate hai nahi jee payenge bina dosti ke aapki,

Dosti Jo saath hai mere to dil ko sukun hai har din.

Shikha