Aapke shaher ki mitti - Shikha

 

Aapke shaher ki mitti humare jakhmo ka malam ban gayi,

Milan aapka humare pyar ki Raah e manzil ban gayi,

Kaise bhulu aapko ek pal ke liye bhi,

Aapki muhobbat hi to humari jeene ki vajah ban gayi.

 

Shikha

 

Bhai aapki yaado ne - Shikha

 

 

Bhai aapki yaado ne aaj hume ghera hai kuch aise,

yaad aaya vo bachpan jo saath gujara tha.

 

kabhi yaad aaye khushi ke vo khubsurat pal,

To kabhi aapke na hone ke ehesas se dil bhar aaya.

 

Yaad aaya vo aapka gana jise sunakar

Aap hum sabko sulaya karte the.

 

Yaad aaya vo aapka masum sa pyar,

Jisse aap hume humara homework karaya karte the.

 

Yaad aaya vo pyara sa mausam,

Jisme aap humare Bhai ke saath pyare se dost bhi bane.

 

Yaad aaya vo suhane har pal,

Jisme kabhi humare teacher bhi bante the.

 

Aapki har baate, aapki masumiyat ,

Ab aapki yaad aane par bahete hai sirf aansu.

 

Kyo chale gaye Bhai aap hume chhodkar,

Zindagi mai sabse badi kami ho gayi aapke bina.

 

Kabhi kabhi sochte hai ki Bhai ke bina bhi kaise jee liya ...itne din

To kabhi sochte hai Bhai ka pyar to aaj bhi basa hai humari yaado mai.

 

Yahi zindagi hai shikha ye dil ne kaha hai,

Bhai ki yaado ke sahare hi to jeena hai ye jan liya ab humne hai.

 

Shikha

 

Humare pyare Bhai ko samarpit

 

Manzile rahen - ghazal

Je khoyu te malvanu - gujarati ghazal

My heart - love quote

My heart is perfect because you are inside.

Koi Ajnabi - Shikha

Koi ajnabi achanak se zindagi mai aa jata hai,

Haath badhata hai, haath milata hai.

 

Dost ban jata hai ek bahot hi pyara sa,

Par fir achanak humare dil pe vo raj karne lagta hai.

 

Dil bhi nahi janta ki kab vo unka ho jata hai,

Or ek pyara sa safar shuru ho jata hai.

 

Zindagi jaise achanak se zagmagane lagti hai,

Dil ka aangan khushiyo se sajne lagta hai.

 

Unke kadmo ki aahat se man ka mayur nachne lagta hai,

Unki pyari si hansi se dil ko sukun milne lagta hai.

 

Har pal mai unka saath dil ko bhane lagta hai,

har pal mai unka khayal rakhna dil ko achha lagta hai.

 

Shikha kaheti ye to khubsurat pyar ka ruhani ehesas  hai,

Koi ajnabi achanak se humari hi jaan ban jaya karta hai.

 

Shikha