kya hu mai - Shikha

Kya hu mai, aakhir kya pahechan hai meri,

Yahi sawal khud se har baar mai karti thi,

Jab badi huyi to jana duniya ke rasmo rivajo ko,

Apne hi sawal ka jawab tab maine hai paya.

Lachar nahi ,majbur nahi, ek chingari hu mai,

Chhedo mat jal jaoge durga or maa kali hu mai.

Parivar ki izzat or maa-papa ka abhiman hu mai,

Aurat ke sare roop mai sabse pyara roop hu mai.

Maa ne jise naazo se pala us maa ki beti hu mai,

Jisne har mod pe rah dikhayi us papa ki beti hu mai.

Shrushti ke sarjan ka pahela vo pyara bij hu mai,

Naye naye rishto ko pyar se bandhnevali dor hu mai.

Jivan ki har kathinai ko hanste huye sahe jaati hu mai

Zanzir mai bandhi hu fir bhi aage badhti jaati hu mai.

Shikha

Chhota sa mandir banayenge - jain stavan

Tumhari surat - Shikha

Tumhari surat meri aankho mai yu bas gayi,

Tumhari har baat meri ruh mai yu utar gayi,

Teri chahat ka asar kuchh aisa hua shikha pe,

Tumhari har yaad meri jeene ki vajah ban gayi.

Shikha

Aap jo ek baar kahe - Shikha

Aap jo ek baar kahe dete hume hum kuchh bhi kar jaate,

Aangan aapka sajane ke liye sitaro ko zamin pe bula laate.

Agar kabhi bhi sochoge ki hum kitna pyar karte hai aapse,

To soch mai aapki sham ho jayegi par jawab nahi la paate.

Sunahari yaado pe to sirf humara hi haq hai mere yaara,

Ashq ke saath har shayari mai hum aapka naam laga jaate.

Apne hi khayalo mai humne na jaane kitne sapne sajaye,

Par afsos apni hi muhobbat ki baat apno ko na bata paate.

Shikha

Jinvar taru shashan - jain stavan

Pyar ka rang - Shikha

Koi ek aisa shaks hai jo bas gaya hai meri hi rooh mai,

Jisne pahechana hai muje duniya ki is bheed mai,

Kar dikhayenge kuchh aisa uske hum par vishwas mai

Jeet lenge hum sari duniya kyuki ab vo mere saath hai.

Kal kisine humse puchha tha ki aakhir kya hai tu,

Meri pahechan kya thi us waqt khud mai bhi nahi janti

Aankho mai aansu liye sirf itna hi kaha tha humne,

Banayenge naam apna or roshan honge mere bhi sapne.

Ek din vo shaks mil gaya tha anjani raho pe kahi,

Or saath laya tha vo jaadu ki chhadi pyar ki fuhar,

Sapne humare lene lage the roop haqiqat ka,

Ban gaye hum bhi shayar naam roshan kar liya apna.

Vo khas hai jo ban gaya hai humari zindagi ka saathi,

Humne to chahi thi dosti par usne kaha tu pyar hai mera,

Khud ko bhulkar unki baaho mai khud ko aise samet le,

Pyar ka rang hi rahe Shikha par baki sare rang bhul jaaye.

Shikha

He jeev jara sambhal - jain stavan