Dono ki baat adhuri huyi - Shikha

Barso baad ek din fir unse mulaqat huyi,

Aankho mai fir se khushi ki barish huyi.

Vahi unki pyari si muskuhat or pyar tha,

Mere dil ki dahelij pe fir se dastak huyi.

Na shikayate thi par kuchh khamosh tha,

Mere dil mai ajeeb si koi halchal huyi.

Baate ki par kuchh unki aankho mai tha,

Na jaane kyu us waqt usse bekhabar huyi.

Dono mile to sahi par waqt khamosh tha,

Chahte huye bhi dono ki baat adhuri huyi.

Shikha

Hello readers, is shayari mai maine ye dikhane ki koshish ki hai ki do log ekdusre ko chahte huye ekdusre ko dil ki baat bata nahi paate hai , or fir jab milte hai tab in logo ke dil ki halat kya hoti hai, kya vo dono bol pate hai ? bas aisi hi kuchh koshish ki hai.