Housewife kya hoti hai -Shikha

 

 

Aaj ek ajib si baat huyi,

Suraj ki paheli kiran ne puchha humse,

Kyo tu uth gayi hai mere aane se pahele.

Tu to mahej sirf ek housewife hai,

Life teri to highclass hai.

Karna na hota tuje koi kaam hai.

 

Humne kaha,

 

Ha, uth jati hu mai subah sabse pahele,

Kyoki jagana hota hai muje sabko,

Sabki har chhoti chhoti jarurat ka khayal rakhna hota hai muje,

Unki sehad ka bhi khayal rakhna hota hai muje,

Tu kya jane housewife hoti kya hai,

Ghar ki roshni or sabke chahere ki muskan hoti hai,

Uki hansi se chalta pura ye ghar hai.

Uski har pratikriya se ghar lagta ghar hai.

 

Fir usne kaha,

Sham ko mere jane waqt bhi to tera kaam khatam nahi hota,

 

Humne kaha,

Mera kaam khatam hota hai sabke so jane ke baad,

Mera kaam shuru hota hai sabke uthne se pahele,

Agar mai ho jau ek din bimar,

To tham sa jata hai ghar ka pura kaam.

Sabke chahere ki muskurahat hu mai,

Sabki khushiyo ki chavi hu mai,

Fir bhi jani jati hu housewife ke naam se,

Aisi hi anokhi pahechan meri hai.

 

Shikha

 

Dedicated to all housewives..........