Vo mere paas na tha - Shikha

Aankhe jo khuli to jana ki vo mere paas na tha,

Jisko apnaya tha dil se aaj uska saaya bhi na tha.

Jinse dil se rishta nibhane ki ummid kar baithe,

Unse hi pyar mera rusva yu hoga bataya na tha.

Ek hum hi the jo baar baar ishq e izhar karte the,

Usne to kabhi hal e dil muje yu sunaya na tha.

Jaane kyu unki baato mai  madhosh ho rahe the,

Usne to kabhi aankho se jaam yu pilaya na tha.

Meri aankho ne to kai khwab sajake rakhe the, 

Unse hi khwab tutenge mere ye bataya na tha.

Gaahe ba gaahe dil ab yahi kahe raha Shikha,

Shikva kya unse jisne muje apna banaya na tha.

Shikha

Gaahe ba gaahe - rah rah kar

Bichhadakar maine jaana - shikha

Bichhadakar maine jaana ki zindagi kanto ki sej hai maa,

Tere aanchal ke sahare zindagi bahot rangeen dikhti thi,

Door huyi tujse to pata chala ki zindagi aakhir kya hai.

Shikha

Lahu mai kalam - Shikha

Lahu mai kalam ko bhigokar 

Kuchh aisa likhna chahu,

Mere pyar ki  barish se

Tuje bhigona mai chahu.

Shikha

Uska chahera - Shikha

Uska chahera muje sukun de jaata hai,

Ankahi si baate chahera bata jaata hai,

Subah hoti hai uska chahera dekhkar,

Khayalo mai mere vo hi rahe jaata hai.

Shikha

Itni raat gaye - Shikha

Itni raat gaye bhi jaane kyu nind aankho se door hi rahi,

Ye kaisa ishq hai jo chain se sone bhi nahi deta or bechaini hi rahi.

Shikha

Sara pahar - Shikha

Sara pahar unki yaad mai tadap jata tha,

Jab dil mai unke saanse ban utar jaate the.

Shikha

Yu hi kabhi kabhi - Shikha

Yu hi kabhi kabhi mai shayar banke likh leti hu,

Aksar khayalo ko mai alfazo mai dhal deti hu,

Kabhi yu hi khamoshi ko lafzo mai saja leti hu,

Kabhi dil ki khushi ko lafzo mai baya kar deti hu,

Or Inhi lafzo se mai logo ke dilo ko chhu leti hu.

Shikha